Elordada «Ustazdar alańy» saıabaǵy salynyp jatyr
NUR-SULTAN. QazAqparat – Elordada «Baıqońyr» aýdanynyń ákimi Nurbol Nursaǵatov «Ustazdar alańy» saıabaǵynyń qurylys barysyn tekserdi, dep habarlaıdy QazAqparat.
Búgingi tańda «Baıqońyr» aýdany aýmaǵynda «Ustazdar alańy» saıabaǵynyń qurylysy júrip jatyr.
«Atalǵan saıabaq A.Pýshkın kóshesi boıyndaǵy Eýrazııa ulttyq ýnıversıtetiniń aýmaǵyn qamtıdy. Saıabaqty jaılastyrý barysynda ashyq aýada sabaq ótkizý úshin Ashyq aýdıtorııa aımaǵyn, bilim berý qyzmetkerleriniń qurmetine ınstalıatsııalar, demalys aımaǵyn, balalar aımaǵyn, sporttyq - gımnastıkalyq aımaqty ornatý josparlanǵan», delingen habarlamada.
Eske sala ketsek, qaladaǵy jańa meshittiń aınalasyna úlken saıabaq salynbaq.
