Elordada ustalǵan qaıyr suraýshylardyń 60 paıyzynda tólem qabilettiligi bar - ІІD
ASTANA. QazAqparat - Elordada ustalǵan qaıyr suraýshylardyń 60 paıyzǵa jýyǵy birden ákimshilik aıyppuldaryn tóleıdi. Búgin Astanada ótken baspasóz máslıhatynda qalalyq ІІD basshysynyń orynbasary Batyrlan Esenbaı osylaı málim etti.
«Sot qaýly shyǵaryp, olarǵa aıyppul tóleýge ýaqyt beredi. Eger de olardyń qaltasynda aqshalary bolsa, birden aıyppuldaryn tóleıdi. Al aqshalary bolmaǵan jaǵdaıda, biz zańnamaǵa sáıkes, bir aı kútemiz. Keıinnen aıyppuldy tóleýge mindetteımiz», - dedi ol.
B. Esenbaıdyń aıtýynsha, ustalǵan qaıyr suraýshylardyń arasynda múldem aqshalary joq adamdar bar. Týysqandary olardy taýyp, aıyppuldaryn tólep jatatyn da kez bolady.
«Ustalǵandardyń shamamen 60 paıyzǵa jýyǵy aıyppuldaryn óteıdi», - dep naqtylap ótti B. Esenbaı.
Sonymen qatar ol qyzmetinen tys ýaqytta qala kóshesimen serýendep júrgende eshqashan da qaıyr surap júrgenderge aqsha bermeıtindigin jáne dereý operatıvtik qyzmetkerdi shaqyratyndyǵyn jetkizdi.
