Elordada úsh kún buryn joǵalyp ketken oqýshy tabyldy
NUR-SULTAN. QazAqparat – Nur-Sultan qalasynyń tártip saqshylary úsh kún buryn úıinen shyǵyp ketken 14 jastaǵy balany tapty, dep habarlaıdy QazAqparat tilshisi.
Aıta ketsek, buǵan deıin elordada mektep oqýshysy úsh kúnnen beri izdestirilip jatqany habarlanǵan bolatyn. Jasóspirim 18 qańtarda saǵat 19.00-de úıinen shyǵyp, habarsyz ketken.
«Elordalyq polıtsııa qyzmekterleri kámeletke tolmaǵan balany tabý úshin tıisti sharalardy qabyldap, izdestirý jumystaryn júrgizdi. 21 qańtarda ýchaskelik polıtsııa ınspektory Abzal Ádilbaev joǵalǵan jasóspirimdi elordadaǵy tamaqtandyrýǵa arnalǵan oryndardyń birinen taýyp aldy. Qazirgi ýaqytta kámeletke tolmaǵan bala anasyna tapsyryldy. Áıeldiń aıtýynsha, uly buryn da úıinen qashyp ketip júrgen. Sabaqtan da jıi qalady», - dep habarlady qalalyq Polıtsııa departamentinen.
Jasóspirimder isi jónindegi polıtsııa balanyń zańdy ókilderimen áńgimelesip, atalmysh faktiniń qaıtalanbaýy kerektigin eskertti.
