Elordada úsh kólik soqtyǵysty

NUR-SULTAN. QazAqparat – Nur-Sultanda B.Momyshuly dańǵyly men M.Jumabaev kóshesiniń qıylysynda jol-kólik apaty boldy, dep habarlaıdy QazAqparat.

«20 qarashasynda shamamen saǵat 23:35-te «Mersedes» markaly avtokóliginiń 20 jastaǵy júrgizýshisi B. Momyshuly dańǵylynan M. Jumabaev kóshesine burylǵanda rýldi basqara almaı, qarsy qozǵalys jolaǵyna shyǵyp ketken. Saldarynan qarsy baǵyttan týra kele jatqan «Kıa» jáne «Lada» markaly eki avtokólikpen soqtyǵysqan», - dep habarlady qalalyq Polıtsııa departamentiniń baspasóz qyzmeti.

Apat saldarynan «Kıa» jáne «Mersedes» júrgizýshileri aýrýhanaǵa jetkizildi. Sońǵysy dárigerlerdiń qaraýynan keıin úıine jiberildi.

«Atalǵan faktiniń mán-jaıy anyqtalyp jatyr. Polıtsııa departamenti júrgizýshilerge jol erejelerin qatań saqtaýdy jáne joldarda óte muqııat bolýdy eskertedi», - deıdi Polıtsııa departamentiniń ókili.