Elordada úsh avtokólik soqtyǵysty, zardap shekkender bar - Astana qalalyq ІІD JPB
ASTANA. Shildeniń 26-sy. QazAqparat /Murat Jákeev/ - Ótken aptada, shildeniń 19-y men 25-inde Astanada zardap shekkenderi bar jol-kólik oqıǵalarynyń az sany tirkeldi. Tek eki JKO, onyń saldarynan úsh adam túrli dene jaraqattaryn aldy, dep habarlaıdy Astana qalasynyń Jol polıtsııasy basqarmasynyń baspasóz qyzmeti.
Taratyp aıtar bolsaq, Jol qozǵalysy erejelerin óreskel buzýdyń saldarynan shildeniń 24-inde aınalma kólik jolynda birden úsh avtokólik soqtyǵysty. Oqıǵa ornynan «Mersedes Bents» avtokóliginiń eki jolaýshysy túrli dene jaraqattarymen aýrýhanaǵa jetkizildi. Bireýin kóp uzamaı úıine jibergenimen, ekinshi zardap shekken azamat aýrýhanada em qabyldaýda.
