Elordada úsh aýysymdy mektepter sany 2 ese azaıdy - ákim
«Elordada zamanaýı úsh qabatty mektep ashyldy. Jańa oqý orny zamanaýı jabdyqtarmen jabdyqtalǵan. Balalar
bıologııa, hımııa, matematıka, robot tehnıkasy pánderinen alǵan teorııalyq bilimin birden tájirıbede qoldana alady. Mektepte dombyra, shahmat, toǵyzqumalaq kabınetteri, sport sektsııalary jáne t.b. bar. Daryndy balalarǵa arnalǵan «Bilim-ınnovatsııa« mektep-lıtseıiniń oqýshylary 50 jyl buryn salynǵan ǵımaratta bilim alyp kelse, endi jańa mektepte oqıdy», - dedi qala ákimi Altaı Kólginov.
Onyń aıtýynsha, bıyl úsh aýysymda oqytatyn mektepter men shamadan tys júkteme artylǵan mektepter sany 2 esege qysqardy.
«Biraq áli de jumys isteý kerek. Eger ótken jyly biz 6 mektep salyp, paıdalanýǵa bersek, bıyl bul kórsetkish eki ese kóp. Olardyń bir bóligi paıdalanýǵa berildi. Kelesi jyldarǵa daıyndyq jumysy bastaldy.
Mektep qurylysy kezinde olardyń kólemi eskeriledi. Mysaly, jeltoqsan aıynyń basynda buryn birde-bir mektebi bolmaǵan Mıchýrın eldimekeninde mektep ashyldy», - dedi Altaı Kólginov.
Kenttegi oqýshylar mektepke beıimdelgen ǵımaratta oqyp, sabaq 3 aýysymda ótip kelgen. Endi oqýshylar úsh qabatty keń ǵımaratta bilim alyp jatyr.
«Keshendi jospar aıasynda 5 jyldyq kezeńge 50-ge jýyq memlekettik mektep salý josparlanǵan. Oqý oryndarynyń qurylysyna da ınvestorlardy tartamyz», - deıdi ákim.
