Elordada úsh aýysymdy mektepter máselesi qalaı sheshiledi
NUR-SULTAN. QazAqparat - Jumys kúni bastalǵanǵa deıin elorda ákimi Altaı Kólginov №51 jáne №52 mektepteri aýmaǵyndaǵy eki jańa korpýstyń qurylys barysymen tanysty, dep habarlaıdy QazAqparat Nur-Sultan qalasynyń resmı saıtyna silteme jasap.
Birinshi nysan - №52 mektep (Býrabaı kóshesi) boldy. Jańa bilim berý oshaǵy 1200 orynǵa eseptelgen. Qazir oqýshylar sany 1,5 myńdy quraıdy. Ekinshi nysan №51 mektep (Aman kóshesi) boldy. Mektepte 2870 oqýshy oqıdy, alaıda gımnazııa 1200 orynǵa eseptelgen. Jańa korpýs qosymsha 300 oqýshy ornymen qamtıdy. Nysandardy tapsyrý merzimi - kelesi jyly.
Qala ákimi A.Kólginov qurylystyń merziminde aıaqtalýynyń, sapaly qurylys pen aýmaqty kórkeıtýdiń mańyzdylyǵyn atap ótti.
Keshendi jospar aıasynda 5 jyl ishinde 50 mektep salý josparlanǵan (Olardyń 10-y jańa korpýstar).
