Elordada úsh adamdy pyshaqpen jaraqattaǵan kúdikti ustaldy
NUR-SULTAN. QazAqparat – Elordada shuǵyl izdestirý sharalary barysynda úsh adamdy pyshaqpen jaraqattaǵan 30 jasar turǵyn ustaldy, dep habarlaıdy QazAqparat tilshisi.
Polıtsııa departamentiniń málimetinshe, tanysynyń úıinde qonaqta bolǵan kúdikti spırttik ishimdikke masaıǵan. Otyrys barysynda kúdiktige tanysynyń balasyn tárbıeleýdegi tásili unamaǵan. Osynyń saldarynan ekeýi janjaldasyp, 30 jastaǵy qonaq úı ıesine úsh ret pyshaq jaraqatyn salǵan.
Budan keıin páterden júgirip shyqqan kezde, baspaldaqta kórshisin kezdestirgen. Qylmys ornynan jyldam jasyryný maqsatynda kórshisin de pyshaqtaǵan, sonymen qatar janjaldy estip júgirip shyqqan onyń áıeliniń qolyn jaraqattady.
«Oqıǵa ornyna shuǵyl jetken polıtsııa qyzmetkerleri kúdiktini 15 mınýttyń ishinde ustady. Atalǵan fakti boıynsha sotqa deıingi tergeý júrgizilýde. Onyń buǵan deıin isti bolǵany anyqtaldy», - delingen baspasóz qyzmetiniń habarlamasynda.
