Elordada UOS jeńisiniń 70 jyldyǵyna arnalǵan «Jeńis týy jelbireı bersin» atty aktsııa ótti - VIDEO
ASTANA. QazAqparat - Astanadaǵy «Qazaqstan» kontsert zalynda «Jeńis týy jelbireı bersin» degen atpen arnaıy aktsııa bolyp ótti. Uly Otan soǵysyndaǵy jeńistiń 70 jyldyǵyna arnalǵan is-sharaǵa basqalarmen qatar qazaqstandyq shekarashylar da belsene qatysty, dep habarlaıdy QR UQK ShQ baspasóz qyzmeti.
Negizinen oǵan orta mektepterdiń 10-11-synyp oqýshylary, kásibı-tehnıkalyq, joǵary oqý oryndarynyń stýdentteri, áskerı-patrıottyq tárbıe klýbynyń ókilderi, alǵashqy daıyndyq pániniń muǵalimderi, barlyǵy 2000-ǵa jýyq adam shaqyryldy.
Shekara qyzmeti uıymdastyrǵan kórmege túrli atys qarýlary, sarbazdar kıetin arnaýly áskerı kıim-keshekter, sondaı-aq shekarashylar qyzmet barysynda qoldanylatyn arnaýly quraldar qoıyldy. Sondaı-aq, qurmetti qaraýyl rotasynyń qımyly, úrmeli orkestrdiń kontserti jáne patrıottyq ánder qoıylymy jastarǵa qaıtalanbas áser syılady.
Іs-sharanyń basty maqsaty jastardy qazaqstandyq áskerı-patrıottyq baǵytta tárbıeleý, halqymyzdy biriktiretin jalpyulttyq qundylyqtardy, nasıhattaý jáne jasóspirimder aldynda áskerı qyzmettiń bedelin kóterý bolyp tabylady.
