Elordada Uly Otan soǵysynyń ardagerleri soǵys barysynda alǵan jaraqattan qaza tolǵandarǵa arnalǵan memorıalǵa gúl shoqtaryn qoıdy
Memorıal aldyna jınalǵan ardagerler otbasylarynyń músheleri, tyl ardagerleri, áskerı vedomstvonyń ókilderi qaza bolǵandardy 1 mınýt únsizdikpen eske aldy. Osydan keıin jurtshylyq aldynda sóz sóılegen Astana qalalyq máslıhattyń hatshysy Vladımır Redkokashın bul kúnderi bizderdiń sol bir surapyl soǵys jyldarynda maıdan dalasynan elge oralmaǵan jaýyngerlerdi, urys barysynda alǵan jaraqattardyń saldarynan osynaý qýanyshty kúnge jete almaǵan bozdaqtardy erekshe qaıǵyra ári zor alǵyspen eske alatynymyzdy atap ótti.
«Biz jyl saıyn qala zıratyndaǵy memorıalǵa olardyń eren erlikterin taǵy da bir ret eske túsirý úshin jınalamyz», dedi óz sózine máslıhat hatshysy.
Sondaı-aq Astana qalalyq ardagerler keńesiniń tóraǵasy Qýanysh Alpysbekov maıdan dalasynda kóz jumǵan 600 myń qazaqstandyqtyń 30 myńy aqmolalyqtar bolǵandyǵyn aıta kelip, «bizder bolashaq urpaq beıbit zamanda ómir súrýi úshin óz ómirlerin qıǵan maıdangerlerdi eske alamyz», dedi.
Shara sońynda ıslam jáne pravoslav dini ókilderi qaza bolǵandarǵa baǵyshtap quran oqydy.
