Elordada «Uly Otan soǵysy jyldaryndaǵy qazaqstandyqtar» atty qujattar kórmesi ashyldy
Mádenı shara barysynda adamzat tarıhyndaǵy eń zulmat soǵys jaıynda, qazaq jerinde qurylyp, maıdan dalasynda erliktiń úlgisin kórsetken áskerı bólimsheler týrasynda derekti fılm kórsetildi. Ashylý saltanatynyń alǵashqy sóz kezegi tıgen Astana qalalyq ardagerler keńesiniń tóraǵasy Qýanysh Alpysbaev kórmege kelýshilerdi Jeńistiń 65 jyldyǵymen quttyqtaı kelip, ásirese soǵys ardagerlerine zor densaýlyq tileıtindigin jetkizdi.
Sondaı-aq shara barysynda sóz sóılegen QR Aqparat jáne baılanys mınıstrliginiń ókili Erbol Sháımerdenov mınıstrlik atynan Jeńistiń 65 jyldyq mereıtoıymen quttyqtap, «bizdiń mınıstrlik tarapynan osynaý aıtýly dataǵa oraı qyrýar jumystar atqarylyp jatyr. Dál osyndaı kórmeler barlyq oblystardyń muraǵattarynda óz jalǵasyn tabýda, estelik kitaptar da shyǵarylýda. Al úlken baǵdarlama retinde aǵymdaǵy jyly dańqty qolbasshysy Baýyrjan Momyshulynyń 30 tomdyq shyǵarmalar jınaǵyn shyǵarý aıaqtalady. Sondaı-aq Ázilhan Nurshaıyqovtyń da soǵys jaıyndaǵy estelikter kitaby daıyndalý ústinde» dep atap ótti.
Kórmege QR Ulttyq muraǵaty qorynan, Aqparat jáne muraǵat komıteti Ortalyq memlekettik muraǵatynan, Astana, Almaty qalalary, Almaty, Aqtóbe, Atyraý, Shyǵys Qazaqstan jáne basqa da oblystardyń muraǵattyq mekemelerinen, respýblıkalyq ardagerler uıymynan tańdap, iriktep alynǵan 200-den astam qujattar men materıaldar qoıylǵan.
