Elordada «Uly dala jáne Qazaq memlekettiligi: jańasha oı men tyń kózqaras» konferentsııasy ótti
«Tarıh turǵysynan 30 jyl – azǵantaı ǵana merzim. Alaıda sońǵy úsh ǵasyrda saıası, áleýmettik-mádenı qysymda ómir súrgen Qazaqstan úshin 30 jyl ulttyq ıdeıany jańǵyrtýdyń, táýelsiz memleketti turǵyzýdyń mejesine aınaldy. Negizin 1990 jyldary Tuńǵysh Prezıdentimiz N.Á. Nazarbaev bastaǵan jaýapty isti búgin Memleket basshysy Qasym-Jomart Toqaev qısynmen jalǵastyryp keledi», - deıdi Elbasy kitaphanasynyń dırektory, saıası ǵylymdardyń kandıdaty Baqytjan Temirbolat.
Onyń aıtýynsha, otarlyq kezeń men keńes dáýiri tusynda ultymyzdyń tarıhy zerttelmeı, shejiremizdiń umytylǵany ras.
«Qazaq halqynyń tarıhyn alǵash zertteýge bel býǵan Ermahan Bekmahanov, Bekejan Súleımenov syndy bilikti mamandarymyzdyń izdenisteri qýǵyn-súrginmen aıaqtalyp jatty. Túp tamyrymyz ben ótken kúnniń oqıǵalaryn ashyq zertteýge táýelsizdik qana múmkindik berdi. «Tarıhyn bilmegen ulttyń bolashaǵy bulyńǵyr» degen Elbasymyz da ótkenin jaqsy bilmeıtin adamnyń bolashaqqa nyq qadam basa almaıtynyn nusqady. Ideologııanyń ózegi retinde ult tarıhy jan-jaqty tereń zerttelýi tıis. Osy tusta urpaqqa amanat etilgen memlekettiń ótkenin zerdelep, Uly dala zııalylarynyń ómiri men murasyn nasıhattaý – bizdiń azamattyq ári adamzattyq boryshymyz», - deıdi ol.
Іs-sharany Qazaqstan Respýblıkasynyń Tuńǵysh Prezıdenti – Elbasy kitaphanasy jáne QR BǴM ǴK Memleket tarıhy ınstıtýty uıymdastyrdy. Sondaı-aq, is-sharaǵa otandyq jáne sheteldik tarıhshy ǵalymdar, JOO oqytýshylary, doktoranttary men magıstranttary qatysty.
