Elordada Uly dala ulandary atty kórme ashyldy
Kórme «Qazaqstan joly» jobasynyń aıasynda uıymdastyryldy.
Ekspozıtsııada Uly dala batyrlary ınstıtýtynan bastaý alǵan qazaq sarbazdarynyń jaýyngerlik erlikteriniń kóp ǵasyrlyq tarıhyn beıneleıtin tarıhı, mádenı artefaktiler usynylǵan.
Tarıhı jadty saqtaý, onyń murasyn qazaqstandyqtardyń jas, bolashaq urpaqtarynyń zerdesinde qaıta jańǵyrtý – ekspozıtsııanyń basty mindetteriniń biri.
«1992 jylǵy 7 mamyrda Qazaqstannyń Tuńǵysh Prezıdenti Nursultan Nazarbaev «Qazaqstan Respýblıkasynyń Qarýly kúshterin qurý týraly» jarlyqqa qol qoıdy. Memleket basshysy Qasym-Jomart Toqaev atap ótkendeı, bul ýaqyttyń ishinde bizdiń ásker tolyqtaı qalyptasyp, memleket táýelsizdigi men tutastyǵynyń tiregi men basty kepiline aınaldy. Qazir biz kýá bolyp otyrǵan jahandyq ahýal men geostrategııalyq turaqsyzdyq tusynda áskerdiń róli artyp keledi. Sondyqtan Memleket basshysynyń tapsyrmasymen búginde Qazaqstan Qarýly kúshterin odan ári jańǵyrtý men qaıta jaraqtandyrýǵa baǵyttalǵan aýqymdy reforma bastaldy», - dep Elbasy kitaphanasynyń dırektory Baqytjan Temirbolat kórmeni ashty.
Kitaphana jınaǵynyń materıaldary áskerı qaýipsizdik salasyndaǵy tarıhı murany qaıta jańǵyrtyp, qazirgi zamanǵy Qarýly kúshterdi qurý prızmasyn, keshegi jáne búgingi batyrlardyń erlikteri arqyly qazirgi qazaqstandyq memlekettiliktiń retrospektıvti kórinisin qalyptastyrady.
«Qazaqstan Respýblıkasy Tuńǵysh Prezıdenti – Elbasy kitaphanasynyń basshylyǵy men ujymyna Uly Otan soǵysy qaharmandarynyń ómirbaıany men Qarýly kúshterdiń tarıhyn dáripteıtini úshin alǵys aıtamyn. Osyndaı is-sharalardyń arqasynda biz jastardyń boıynda otansúıgishtik sezimin oıatýǵa múmkindik aldyq», - dedi Halyq qaharmany, Qazaqstan Respýblıkasy Qarýly kúshteriniń general-leıtenanty Baqytjan Ertaev.
