Elordada Uly dala forýmy ótedi
ASTANA. QazAqparat - Aǵymdaǵy jyldyń 26 mamyrynda elordada ІІ «Uly dala» gýmanıtarlyq forýmy ótedi. Bul týraly «Joıylý qaýpindegi túrki tilderi» atty kóptomdyq eńbektiń tanystyrylymda Túrki akademııasynyń prezıdenti, «Egemen Qazaqstan» respbýlıkalyq gazetiniń basqarma tóraǵasy Darhan Qydyráli málim etti.
«Biz ótken jyldyń mamyr aıynda «Uly dala» dep atalatyn birinshi gýmanıtarlyq forým ótkizgen edik. Oǵan reseılik, túrkııalyq, jalpy túrki ǵalymdary qatysty jáne olar saıası júıege qaramastan osy yntymaqtastyqty damytý jóninde kóptegen oılaryn aıtty. Bıyl ekinshi «Uly dala» forýmy 26 mamyrda ótedi jáne taqyrybynyń biri joıylyp bara jatqan túrli halyqtarǵa arnalady. Bizdiń bıylǵy forýmnyń taǵy bir úlken bóligi professor, kórnekti memleket jáne qoǵam qaıratkeri, Qazaqstandaǵy túrkologııanyń bastaýynda turǵan Myrzataı Joldasbekovke arnalmaq», - dedi Qydyráli.
Aıta keteıik,búgin tanystyrylymy ótken «Joıylý qaýpindegi túrki tilderi» eńbegi Túrki akademııasy men Qoja Ahmet ıAssaýı atyndaǵy Qazaq-túrik ýnıversıtetiniń qoldaýymen jaryq kórip otyr. Eńbekke túrkııalyq ǵalym Sýer Eker ǵylymı jetekshilik jasaǵan. Ǵylymı eńbekti ázirleý jumystaryna álemniń 26 elinen 130 ǵalym qatysqan jáne onda 132 zertteý toptastyrylǵan.
Kitapty shyǵarýshylardyń aıtýynsha, jınaqqa engen eńbekterdiń avtorlary álemniń túrli elderiniń ýnıversıtetteri men ǵylymı ujymdarynda jumys isteıdi. Sol sebepti de basylymdaǵy derekter men zertteý tásilderi, ǵylymı baǵyttar, kózqarastar áralýan.
