Elordada «Ulttyń búgini de , bolashaǵy da - tárbıeli urpaq» atty dóńgelek ústel bolyp ótti

Atalmysh shara Tilderdi qoldaný men damytýdyń 2011 jylǵa arnalǵan baǵdarlamasy sheńberinde uıymdastyrylyp otyr.

Dóńgelek ústelge arqaý bolǵan negizgi taqyryptar qazirgi jahandaný kezeńinde jas urpaqtyń ulttyq bolmyspen bite qaınasqan tulǵalyq tutastyǵyn saqtap qalý, bilim men tárbıe sabaqtastyǵy, bala sanasyna ulttyq rýhtaǵy tárbıeni uıalatý syndy keleli máselelermen baılanysty boldy.

Shara barysynda «Ulttyq tárbıe - ulttyq múddemiz», «Internet jáne ulttyq tárbıe», «Jan-jaqty mádenıetti tulǵany qalyptastyrý» taqyrybynda baıandamalar tyńdalyp, ǵylymı negizdelgen ulttyq tárbıe pánderin orta mektep pen joǵary oqý oryndaryna engizý jónindegi usynystar ortaǵa salyndy.

«Farabı babamyz aıtqandaı, tárbıesiz bergen bilim - halyqtyń qas jaýy. Ulttyq tárbıe - ult bolashaǵynyń kepili, ónegeli urpaq ósirýdiń alǵysharty. Osy oraıda, ulttyq tárbıe berýdiń ǵylymı negizdelgen tujyrymdamasyn jasap, ulttyq biregeı baǵdarlamasyn qalyptastyrý qajet, pán retinde bilim berý mekemelerine engizý qajet», - dep pikir bildirdi Almaty qalasy «Abaı» atyndaǵy qazaq ulttyq pedagogıkalyq ýnıversıtetiniń ulttyq tárbıe kafedrasynyń meńgerýshisi Rymshash Tóleýbekova.

Sharaǵa Astana,Almaty, Kókshetaý qalalarynyń pedagog ǵalymdary, arnaıy mamandar, tárbıe isiniń meńgerýshileri men ustazdar qatysty.