Elordada Ulttyq ulan sarbazdary kóshede qulap, esinen tanǵan er adamǵa kómek kórsetti
NUR-SULTAN. QazAqparat – Elordada kóktaıǵaqta er adam kóshe ortasynda aıaǵy taıyp qulap, esinen tanyp qalǵan. Zardap shekken adamǵa Ulttyq ulannyń áskerı qyzmetshileri kómektesti, dep habarlaıdy QazAqparat Ulttyq ulannyń baspasóz qyzmetine silteme jasap.
Elordanyń Almaty aýdanynda qoǵamdyq tártip pen qaýipsizdikti qamtamasyz etip júrgen Ulttyq ulannyń №5573 áskerı bóliminiń jasaǵy kóshede kele jatyp, taıǵanap qulaǵan er adamǵa nazar aýdardy. Onyń qasyna dereý kelip jetken áskerıler 50-55 jas shamasyndaǵy er adamnyń esinen tanǵanyn baıqaıdy. Oqıǵa ornyna jedel járdem shaqyrǵan olar zardap shegýshige alǵashqy medıtsınalyq kómek kórsete bastaǵan. Olar áýeli er adamnyń jaraqat alǵan basyn tańyp, odan keıin zardap shegýshini medıtsına qyzmetkerleriniń qolyna tapsyrdy.
Qyzmet kórsetý barysynda azamatqa jedel túrde kórsetken kómegi úshin áskerı jasaq bastyǵy Marǵulan Nurtaev pen patrýl qyzmetkerleri Arman Orynbasar jáne Bekjan Ermek áskerı bólim komandıri yntalandyrý syılyǵyn aldy.
