Elordada «Ulttyq mádenıetti ınternet arqyly nasıhattaý jáne kópshilikke taratý» taqyrybynda dóńgelek ústel otyrysy ótedi

JaHandaný dáýirinde ulttyq mádenıetimizdi, ónerimiz ben salt-dástúrimizdi, rýhanı qundylyqtarymyzdy nasıhattaý, jetkizý, taratý - urpaqtan-urpaqqa aýysyp kele jatqan kıeli mura. Bul oraıda, qazirgi dáýir damýyna sáıkes, ulttyq qundylyqtar jaıly úgit-nasıhat isine ǵalamtordyń áleýetin paıdalaný - qajet is. Osyǵan oraı memlekettik-áleýmettik tapsyrys aıasynda Astana qalalyq ishki saıasat basqarmasynyń qoldaýymen «Ulttyq mádenıetti ınternet arqyly nasıhattaý jáne kópshilikke taratý» atty áleýmettik joba jumysy júrgizilýde.

Joba aıasynda 15-16 bólimnen turatyn ulttyq mádenıetti ǵalamtor arqyly nasıhattaýǵa arnalǵan «Qazaqmıras» www.kazakhmiras.kz veb-portaly ashyldy.

Veb-portaldyń avtory jáne jetekshisi, halqymyzǵa belgili prodıýser, ánshi Qydyráli Bolmanov.

Dóńgelek ústel otyrysyna QR Parlament Májilisiniń depýtaty, Parlament Májilisiniń «Jańa Qazaqstan» depýtattyq tobynyń jetekshisi Qaırat Sádýaqasov, Astana qalalyq ishki saıasat basqarmasynyń bastyǵy Bolat Tilepov, ánshi Qydyráli Bolmanov, QR Baılanys jáne aqparat mınıstrliginiń ókili Aıdos Baıbosyn, sondaı-aq elimizge belgili ǵalymdar qatysady. Olar ulttyq qundylyqtarymyzdy, salt-dástúrlerimizdi jáne klassıkalyq shyǵarmalarymyzdy, ulttyq mádenıetimizdi aqparattyq tehnologııa arqyly nasıhattaý, bilim, ǵylym, mádenıet jáne basqadaı kóptegen salalardaǵy málimetterdi ınternetke jarııalaý, memlekettik tildiń qoldanysyn ómirde jáne elektrondyq keńistikte keńinen paıdalanýyna múmkindik berý týraly sóz qozǵamaq.

Dóńgelek ústel otyrysy aıasynda ulttyq mádenıetti, qazaqtyń án men kúıin, bıi men jyryn nasıhattaý baǵytyndaǵy úzdik maqalalarǵa jarııalanǵan onlaın baıqaýynyń qorytyndysy shyǵarylady.