Elordada ult patrıottary ulyqtaldy
Atap aıtqanda, «JAN JÚREGІM, QAZAQSTAN!» atalymynda medıtsına ǵylymdarynyń doktory, professor, Ulttyq jaratylystaný ǵylymdary akademııasynyń akademıgi, «Respýblıkalyq neırohırýrgııalyq ǵylymı ortalyǵy» AQ» Ulttyq medıtsınalyq holdıngtiń basqarma tóraǵasy, Qazaqstan Respýblıkasy Densaýlyq saqtaý mınıstrliginiń bas neırohırýrgy, joǵarǵy «Platınalyq Tarlan» táýelsiz syılyǵynyń laýreaty, «Álemniń qamqorly dárigeri» jáne «Altyn adam - Qazaqstannyń jyl adamy» qurmetti ataqtarynyń ıegeri, otandyq medıtsınany damytýdaǵy eren eńbegi úshin Serik Aqsholaqov, otandyq kıno salasyn damytýǵa qosqan úlesi úshin «Jaýjúrek myń bala» fılminiń rejısseri Aqan Sataev, «WordPress», «Joomla», «Mamba» jáne «Grýppal» atty kontentti basqarýdyń álemdik 4 júıesin memlekettik tilge aýdarǵany úshin Qazaqstannyń ınternet qaýymdastyǵynyń atqarýshy dırektory - Áset Nurpeıisov marapattaldy.
Al «ASQAQ AZAMATTYQ» atalymynda qaıyrymdylyq aktsııalar men muqtajdarǵa áleýmettik kómegi úshin Taraz qalasynyń «Meıirim» medıtsınalyq ortalyǵynyń dırektory - Gúldara Nurymova, balabaqshalardy, mektepterdi, mádenıet jáne basqa da qoǵamdyq ǵımarattardy qalpyna keltirý isimen óńirdegi óskeleń urpaqqa qamqorlyǵy úshin Qyzylorda oblysynyń kásipkeri - Abzal Iralıev, 40 jyldyq donorlyqta 500 lıtr qanyn tapsyrǵan Qazaqstan Respýblıkasynyń qurmetti donory - Aleksandr Skakovskıı, qarýly qarsylyq kórsetken qaýipti qylmyskerlerdi tutqyndaý boıynsha arnaıy operatsııa kezinde batyldyq pen qaısarlyq tanytqany úshin Іshki ister mınıstrliginiń «Suńqar» arnaýly otrıadynyń shabýylshysy, polıtsııa kapıtany - Baǵdat Dúısenov qurmetteldi.
«ÁLEM TANYǴAN QAZAQSTAN» atalymynda Qazaqstan Respýblıkasynyń olımpıadalyq qurama komandasy marapattalady, belgi - komanda kapıtany, eki dúrkin álem chempıony, Olımpıada chempıony, Barker kýbogynyń ıegeri - Serik Sápıevke beriledi. Sondaı-aq shahmattan tórt dúrkin álem chempıony, álemniń eń jas grossmeısteri - Jansaıa Ábdimálik, Abaı atyndaǵy Qazaq memlekettik akademııalyq opera jáne balet teatrynyń solısi, 2003 jylǵy Jas oryndaýshylar halyqaralyq konkýrsynyń jeńimpazy, Harıkleı Darkle atyndaǵy Halyqaralyq vokalıster konkýrsy Gran-prıiniń, «HHI ǵasyrdyń óneri» atty halyqaralyq konkýrsy Gran-prıiniń, M.Glınka atyndaǵy Halyqaralyq vokalıster konkýrsy birinshi syılyǵynyń, ataqty tenor Ivan Kozlovskııdiń arnaıy syılyǵynyń, Halyqaralyq vokalıster konkýrsynyń «Bolashaqtyń úzdik daýystary» atty syılyǵynyń ıegeri - Medet Shotabaev marapattaldy.
Sonymen qatar «BIІKKE SAMǴAǴAN QAZAQSTAN» atalymynda Qazaqstanda alǵash ret naýqas júrekti jasandy júrekke aýystyrý boıynsha ota jasaǵany úshin «Ulttyq ǵylymı kardıologııalyq ortalyǵy» aktsıonerlik qoǵamy basqarmasynyń tóraǵasy - ıÝrıı Pıa, álemdegi barlyq 14 «segiz myńdyqtaryn» baǵyndyrǵan, Qazaqstan Respýblıkasy alpınıster quramasynyń kapıtany, bıik klastaǵy alpınızm boıynsha TMD ashyq chempıonatynyń jeńimpazy - Maqsut Jumaev, Áleýmettik jáne gýmanıtarlyq ǵylymdar mektebiniń (Wisconsin Madison) túlegi, «Nazarbaev Ýnıversıteti» grantynyń ıegeri, «Nazarbaev Ýnıversıteti» stýdentter úkimetiniń vıtse-prezıdenti, «Astana - bizdiń júrekterimiz birge soqsyn» atty qaıyrymdylyq qozǵalysynyń eriktisi - Dına Asqarova marapattaldy.
