Elordada úlken jabyq basseın salynady
ASTANA. QazAqparat - Astanada halyq arasynda buqaralyq sport pen salaýatty ómir saltyn nasıhattaý maqsatynda belsendi jumystar qolǵa alyndy.
Búgingi tańda elordada 600 jýyq túrli sport nysany jumys isteıdi, dep habarlaıdy astana.kz .
Astana qalasynyń Týrızm, dene tárbıesi jáne sport basqarmasynyń habarlaýynsha, jaqyn arada qalalyq sport nysandaryna taǵy da bir jańa saraı qosylady. Ǵımarattyń qurylysy bastalyp ketti. Sport saraıynda 50 metrlik jabyq olımpıadalyq basseın men 25 metrlik basseın bolady.
«Alaý» sport saraıy Astanada sporttyń damýyna kúshti yqpal etýde. Munda jyl saıyn syrǵanaý maýsymy ashylady. Elordalyqtar kásibı sapaly muz aıdynynda konkı tebedi. «Saryarqa» velotregi de oqýshylar men stýdentterge túrli jeńildikter jasaıdy.
