Elordada Uly Dala dańǵylynan Syǵanaq kóshesine deıingi ýchaske ýaqytsha ishinara jabylady
ASTANA. KAZINFORM — Uly Dala dańǵylynan Syǵanaq kóshesine deıingi ýchaskede Sh. Aıtmatov kóshesinde tóseminiń joǵarǵy qabatyn salý jumystary júrgizilmekshi. Osyǵan baılanysty, aǵymdaǵy jyldyń 12 men 24 tamyz aralyǵynda atalǵan ýchaskedegi qozǵalys ishinara jabylatyn bolady. Bul týraly Astana qalasynyń ákimdigi málim etti.
— Bul rette avtokólik quraldarynyń qozǵalysy joldyń bir jaǵymen uıymdastyrylady. Júrgizýshiler men jaıaý júrginshilerden óz baǵyttaryn aldyn ala josparlap, qozǵalysty uıymdastyrýda múmkin bolatyn ózgeristerdi eskerýlerińizdi suraımyz, — delingen habarlamada.
Qaýipsizdikti qamtamasyz etý jáne qolaısyzdyqtardy azaıtý maqsatynda ýaqytsha jol belgileri men baǵyttaýshy kórsetkishter ornatylady.
Aıta keteıik, Astanada Bógenbaı batyr dańǵyly tamyzdyń sońyna deıin jabylady.
