Elordada úleskerler sany 2,5 myńǵa azaıdy
Onyń aıtýynsha, úlestik qurylystaǵy negizgi problemalar - zańsyz qurylys salýshylarmen jáne paıshylardyń arasyndaǵy sot aýyrlyǵy, jobalyq-smetalyq qujattamanyń jáne saraptamanyń, qarjylyq jáne tehnıkalyq aýdıttiń bolmaýy.
«Biz kún saıyn áriptesterimizben birge problemalyq turǵyn úı kesheniniń ornyna baryp, úleskerlermen kezdestik. Barǵan turǵyn úı keshenderiniń jaǵdaıyn tolyqtaı kórip, baǵaladyq. Nysandardyń qurylysy ár túrli satyda edi. Tek qazanshuńqyry bar, irgetasy qalanbaǵan úıler de boldy. Bir páterdi eki adamǵa satqan jaıttar da kezdesti. Jumys kóp. Árbir nysan boıynsha jumystar atqarylyp jatyr. 32 turǵyn úı kesheniniń 26-sy boıynsha aýdıt júrgizip, 13-i boıynsha jobalyq-smetalyq qujattamany ázirlep, memlekettik saraptamanyń oń qorytyndysyn aldyq. 19 nysannyń jobalyq-smetalyq qujattamasy ázirleý jáne túzetý satysynda. Bıylǵy jyly aıtarlyqtaı ózgerister oryn aldy jáne jyl qorytyndysy boıynsha 10 turǵyn úı kesheni qoldanysqa beriledi. Bul 2,5 myń úleskeri bar 11 úı. Onyń ishinde asa kúrdeli nysan - Komfort de Lıýks. 2 myń úleskerdiń problemasy sheshilip, paıdalanýǵa berildi. »Nurly Jer« baǵdarlamasyna ózgerister engizildi, bul ınvestorlardy izdestirýdi jeńildetýge jáne qurylys jumystaryn jedeldetýge múmkindik berdi», - dedi Altaı Kólginov.
Ákimniń atap ótýinshe, munan basqa, 30-dan asa problemalyq nysan, ıaǵnı 10 myńnan astam úlesker «Nurly jer» baǵdarlamasy boıynsha qarjylandyrylady. 15 nysandy ákimdiktiń kómegimen úleskerlerdiń ózderi salyp jatyr. «Terrıtorııa komforta-1» buzyla bastady. Tehnıkalyq tekserý ǵımarattyń apatty ekenin kórsetti.
2020 jyly 22 nysan (7 881 úlesker), 2021 jyly 7 nysan (1 440 úlesker), 2022 jyly 9 nysan (1 446 úlesker), 2023 jyly 4 nysan (1 208 úlesker) problemalyq nysannyń qurylysy aıaqtalady.
