Elordada úkimettik vedomstvolar qyzmetkerleri arasynda spartakıada ótip jatyr
ASTANA. Mamyrdyń 29-y. QazAqparat /Jasulan Amanbaıuly/ - Búgin Astanada shaǵyn fýtboldan, voleıboldan jáne bılıardtan mınıstrlikter, komıtetter jáne basqa da ortalyq atqarýshy organdar qyzmetkerleri arasynda spartakıada bastaldy,
dep habarlaıdy QazAqparat.
Eki kúnge jalǵasatyn buqaralyq sport sharasy memlekettik qyzmetkerdiń oń ustanymyn nyǵaıtýǵa, salaýatty ómir saltyn nasıhattaýǵa jáne Qazaqstannyń barlyq turǵyndarynyń dene tárbıesimen, sportpen belsendi aınalysýyna arnalǵan.
QR Prezıdenti Nursultan Nazarbaevtyń «Jańa Qazaqstan - jańa onjyldyq - Qazaqstannyń jańa múmkindikteri» atty Qazaqstan halqyna Joldaýynda 2020 jylǵa qaraı buqaralyq sportpen aınalysatyn halyqtyń sanyn 30 paıyzǵa jetkizý tapsyrmasy júktelgen bolatyn.
Elordadaǵy Q.Muńaıtpasov atyndaǵy Ortalyq stadıonda spartakıadanyń ashylýynda Týrızm jáne sport mınıstrligi Sport komıtetiniń tóraǵasy Elsııar Qanaǵatovtyń aıtýynsha, osyndaı sharalar eldegi buqaranyń sportqa degen belsendiligin kóterýge atsalysady.
Osy kúni atalǵan stadıonda shaǵyn fýtboldan, «Jeti qazyna» kesheninde bılıardtan, al «Astana» sport kesheninde voleıboldan jarystar bastaldy.
