Elordada úkimettik emes uıymdardyń belsendiligi artqan
Nur-Sultan qalasynyń Іshki saıasat basqarmasynyń basshysy T. Rahmanberdiniń tóraǵalyǵymen qoǵamdyq uıymdardyń áleýmettik salany jetildirý, sondaı-aq memlekettik áleýmettik tapsyrystardy iske asyrylýyna baılanysty onlaın rejımde ashyq suhbat kezdesýi ótti.
Kezdesý barysynda bıyl belsendiliktiń deńgeıi eki esege artqandyǵy aıtyldy. Máselen, qyzmetin turaqty júrgizetinder sany – 1885-ten 2594-ke jetti. Al belsendi uıymdar 2019 jyldyń sońynda 471-den qazirde 610-dy qurap otyr.
Kezdesýde qazirgi ýaqytta elordalyq úkimettik emes uıymdar memlekettik granttardy oryndaýda elordalyq uıymdar respýblıka boıynsha kósh bastap turǵandyǵy jetkizildi. 2019 jyly 28 grantty elordalyq uıymdar ıelense, bıyl olardyń sany 30-ǵa jetti.
Úkimettik emes uıymdardyń jumystary Nur-Sultan qalasynyń Azamattyq bastamalar ortalyǵy arqyly birizdendirilip keledi.
Sonymen qatar, búginde úkimettik emes uıymdar qyzmetin tsıfrlandyrýda arnaıy uıymdarǵa ortaq qurylǵan jáne keri baılanys úshin arnaıy www.civilcenterelorda.kz saıty qyzmet etedi
Suhbat barysynda Talǵat Abaıuly qoǵamda áleýmettiń shıelenisin týdyratyn máselelerdi shuǵyl aldyn alý úshin Nur-Sultan qalasy Azamattyq bastamalar ortalyǵy janynan monıtorıng shtabyn qurýdy usyndy.
Koronavırýs indeti kezindegi dári-dármekterdiń jetispeýshiliginen keıin dárihanalardaǵy preparattardyń baǵasyn arnaıy monıtorıng toby baqylaıtyn bolady.
