Elordada Úkimet basshysynyń qatysýymen QR TJM sport kesheni ashylady
ASTANA. Shildeniń 1-i. QazAqparat /Marlan Jıembaı/ - Erteń elordada Úkimet basshysy Kárim Másimovtiń qatysýymen QR Tótenshe jaǵdaılar mınıstrligi sport kesheniniń ashylý rásimi ótedi.
Bul týraly búgin Astana qalalyq TJD «Órt sóndirý jáne apattyq-qutqarý jumystary qyzmeti» MM-niń №3 mamandandyrylǵan órt sóndirý bóliminiń aýmaǵynda sport alańynyń ashylý rásimi barysynda QR Tótenshe jaǵdaılar vıtse-mınıstri Janbolat Smaılov málim etti.
Onyń atap ótýinshe, Astana kúni merekesine oraı órt sóndirýshiler men qutqarýshylar úshin birqatar jańa nysandar men sport ǵımarattary ashylatyn bolady. Aǵymdaǵy jyl elimizdiń Tótenshe jaǵaılar mınıstrligi úshin aıryqsha mándi bolǵaly turǵandyǵyn aıtqan vıtse-mınıstr «taıaý kúnderi biz Aqmola oblysynda 3 órt sóndirý DEPO-synyń tusaýyn kesemiz. Al erteń QR Úkimet basshysynyń qatysýymen Tilendıev kóshesi boıynda quny 1 mıllıard teńgeden asatyn sport kesheni ashylady. Bunyń barlyǵy bizdiń órt sóndirýshiler men qutqarýshylar ózderiniń kásibı ári kúsh-qýat múmkindikterin shyńdaý úshin jasalyp otyr», dedi ol óz sózinde.
