Elordada ýchaskelik polıtseılerdiń sany artty

NUR-SULTAN. QazAqparat – Elordada qoǵam qaýipsizdigin odan ári qamtı túsý maqsatynda ýchaskelik polıtseılerdiń sany kóbeıtildi. Bul týraly Nur-Sultan qalasy Polıtsııa departamenti basshynyń birinshi orynbasary Baqytjan Malybaev málim etti, dep habarlaıdy QazAqparat tilshisi.

«Qala boıynsha 37 ýchaskelik polıtsııa beketi bar. Onyń ekeýine búginde jóndelip jatyr. Іshki ister mınıstriniń buıryǵyna sáıkes, árbir 14 800 adamǵa bir ýchaskelik polıtsııa beketinen kelýi tıis. Búginde elorda halqynyń sany 1 mln-nan asty, astanalyqtardyń qaýipsizdigin qamtý úshin qala boıynsha 76 ýchaskelik polıtsııa beketi bolýy kerek. Bıyl elordada ýchaskelik polıtsııalardyń sany 108-ge artty. Jalpy sany qala boıynsha 417 ýchaskelik polıtsııa eńbek etip jatyr. Endi taǵy 150-deı ýchaskelik polıtsııa qabyldansa elorda boıynsha Prezıdenttiń qoljetimdi polıtsııa tapsyrmasy tolyqtaı oryndalady. Ózderińiz bilesizder, elorda halqynyń sany kún sanap artyp keledi, tıisinshe qaýipsizdikti qamtýdyń jaýapkershiligi de arta túsedi», - dedi Baqytjan Malybaev.

Buǵan deıin habarlaǵanymyzdaı, búgin Nur-Sultan qalasynda zamanaýı servıstik polıtsııa beketiniń jumysy tanystyryldy.