Elordada tyıym salynǵanyna qaramastan 200 adam jınalǵan toı ótkizgen

NUR-SULTAN. QazAqparat – Polıtseılerden, ákimdik pen Sanıtarııa-epıdemıologııalyq baqylaý basqarmasynyń ókilderinen turatyn mobıldi top karantın rejımin buzýshylardy anyqtap jatyr, dep habarlaıdy QazAqparat Nur-Sultan qalasynyń PD baspasóz qyzmetine silteme jasap.

Nur-Sultannyń «qoıý qyzyl aımaqqa» ótýine baılanysty ınfektsııanyń taralýyn boldyrmaý boıynsha shekteý sharalary qabyldandy. Saltanatty, otbasylyq jáne basqa da buqaralyq sharalardy ótkizýge tyıym salyndy.

Demalys kúnderi mobıldi top 155 kásipkerlik nysanyn tekserip, 40 karantın buzýshyny anyqtady.

Degenmen, salynǵan tyıymǵa qaramastan, azamattar qoldanystaǵy qaýlyny elemeı otyr. Mysaly, Aqan seri kóshesindegi «Arna» meıramhanasynyń banket zalynda toı ótken. Onda kelgen 200 qonaq karantın sharalaryn saqtamaı, emin-erkin kóńil kótergen. Mobıldi top tekserýge kelgende toı qyzyp jatqan.

Osy kúni «Shatush» meıramhanasynyń banket zaly da qonaqtarǵa toly boldy. Onda 150 qonaq kóńil kótergen. Arasynda qarttar men balalar da bolǵan.

Meıramhana qojaıyndaryna qatysty jınalǵan materıal QR ÁQBtK-niń 425-baby boıynsha ákimshilik óndiris qozǵaý úshin ókiletti organǵa jiberildi.

Nur-Sultan qalasynyń Polıtsııa departamenti kásipkerlerdi karantın sharalardy buzǵan jaǵdaıda jaýapqa tartylatynyn jáne kásiporyn jumysynyń toqtatylatynyn eske salyp, sanıtarııa erejelerin saqtaýǵa shaqyrady. Polıtseıler turǵyndardy buqaralyq sharalarǵa barmaı, otbasylyq otyrystardan bas tartýǵa keńes beredi.