Elordada tynys alýy qıyn adamdarǵa arnalǵan qosymsha bólim ashyldy
NUR-SULTAN. QazAqparat – Ortalyq jol aýrýhanasynyń terapııalyq korpýsynda dıagnostıka jasaıtyn qabyldaý bólimi uıymdastyryldy. Bul týraly Habar 24 arnasynda ótken onlaın brıfıngte aıtyldy, dep habarlaıdy QazAqparat tilshisi.
«27 naýryzdan bastap Ortalyq jol aýrýhanasynyń terapııalyq korpýsynda dıagnostıka jasaıtyn qabyldaý bólimi uıymdastyryldy. Ol pýlmonologııa boıynsha derti bar adamdarǵa arnalǵan. Ol jerde tynys alý joldarynda aýrýlary bar adamdarǵa qosymsha dıagnostıka jasap, koronavırýs bar-joǵy jáne emdeý joldary anyqtalady. Osy maqsatta pýlmonologııa bólimi 150 tósekke kóbeıtildi», - dedi Nur-Sultan qalasynyń qoǵamdyq densaýlyq saqtaý basqarmasynyń basshysy Sáýle Qısyqova.
Sondaı-aq, elordada koronavırýstyń aldyn alý úshin observatorııalyq emhana uıymdastyryldy.
«№2 qalalyq emhana bazasynda observatsııalyq emhana uıymdastyryldy. Bul jerge bir aýysymda 150 adam qarala alady. Atalǵan emhanada koronavırýspen aýyrýy múmkin adamdarǵa dıagonostıka jasaıdy», - dedi Sáýle Qısyqova.
Onyń aıtýynsha, barlyq qalalyq kópsalaly aýrýhanalardyń akýsherlik bloktarynda bosaný oryndary uıymdastyryldy.
