Elordada «Turmys» respýblıkalyq jedel aldyn alý is-sharasy ótýde

Bul týraly búgin Astana qalalyq ishki ister departamentinde ótken baspasóz máslıhatynda osy vedomstvonyń memlekettik til jáne aqparat bóliminiń bastyǵy Nurdildá Oraz aıtty, dep habarlaıdy QazAqparat.

 Atalǵan sharanyń negizgi maqsaty - otbasylyq-turmystyq qatynastar aıasynda jáne alkogoldi ishimdik ishý saldarynan oryn alatyn quqyq buzýshylyqtyń aldyn alý ekendigin atap ótken N.Orazdyń aıtýynsha, oǵan ýchaskelik ınspektorlarmen qatar kámelettik jasqa tolmaǵandar isimen aınalysatyn ınspektorlar, patrýldik polıtseıler, bilim berý, densaýlyq saqtaý organdarynyń  ókilderi atsalysýda.

 «Búgingi kúni Astana qalalyq ІІD-niń aldyn alý esebinde otbasylyq-turmystyq qatynastar aıasynda quqyq buzýshylyqqa jol bergen  900-den astam adam bar, sonymen qatar 1000-nan  astam maskúnem tirkelgen», dedi ol.

 Osy ótkizilip jatqan sharanyń nátıjesinde qalanyń árbir ákimshilik ýchaskesinde otbasylyq-turmystyq jaǵdaıda jasalatyn quqyq buzýshylyqtarǵa saraptama jasalady. Saraptama negizinde quqyq buzýshylyqtardyń aldyn alý jáne jolyn kesý boıynsha uıymdastyrý-tájirıbelik sharalar qabyldanatyn bolady.