Elordada «Turmys» aldyn alý sharasy barysynda 1500-den astam adam jaýapqa tartyldy
Jedel aldyn aldyn alý sharasy bastalǵaly beri polıtseıler turǵylyqty jeri boıynsha polıtsııa esepbinde turǵan 2600-den astam azamatty tekserdi. Onyń ishinde 1 myńnan astamy otbasynda udaıy janjal shyǵaratyndar. Únemi janjaldar bolyp turatyn otbasylarmen profılaktıkalyq áńgimeler júrgiziledi, áıelderge olardyń quqyqtary túsindirilip, zańgerlik keńester men psıhologııalyq kómek kórsetiledi.
Mysaly, «Saryarqa» aýdanynyń áıelderdi zorlyq-zombylyqtan qorǵaý jónindegi ınspektorlary jubaıy otbasynda únemi janjal shyǵaratyn otbasylyq juppen kezdesti. Polıtseıler 36 jastaǵy er adamǵa qatysty toǵyz ret qorǵaý nusqamasyn shyǵarǵan, ol «spırttik ishimdikterdi asyra paıdalanatyn tulǵa» retinde esepke alynǵan. Sot sheshimi boıynsha janjalqoıǵa qatysty eskertý jasaldy jáne bir jyl merzimge minez-qulyqqa erekshe talap qoıyldy. Otaǵasymen profılaktıkalyq áńgime ótkizildi, áıelge quqyqtyq kómek jáne zańgerlik keńes kórsetildi.
«Turmys» jedel aldyn alý sharasyn júrgizý kezinde barlyǵy 1500-den astam quqyq buzýshy ákimshilik jaýapqa tartyldy, onyń ishinde 155 azamat otbasylyq-turmystyq qatynastar salasyndaǵy áreketteri úshin jazalanǵan. Onyń ishinde sot sheshimimen densaýlyqqa qasaqana jeńil zııan keltirgeni úshin 48 adam jáne soqqyǵa jyqqany úshin 27 adam jaýapqa tartyldy.