Elordada «túrli-tústi» marafon ótti - VIDEO
ASTANA. QazAqparat - Astanada osymen úshinshi ret ótkizilip otyrǵan ıARKOkross qaıyrymdylyq sharasyna myńdaǵan jastar qatysty.
Bul aktsııa «Eń baqytty bes shaqyrym» degen ataýmen de belgili. Osy bes shaqyrymnyń ár shaqyrymyndaǵy 5 túrli-tústi stantsııada kútip turǵan eriktiler júgiriske qatysýshylarǵa ár túrli boıaýlar shashady. Sóre syzyǵynan aq kıimmen shyqqan qatysýshylar márege túrli-tústi bolyp keledi deýge de bolady. Bul shara bir jaǵynan Úndistanda aqpannyń aıaǵy men naýryzdyń basynda kóktemniń kelýine oraı ótkiziletin «Holı» merekesin de eske salady.
Búginde mundaı túrli-tústi marafondar álemniń 50-den astam elinde ótkiziledi. Sharany Astana ákimdiginiń qoldaýymen «Posadiderevo.kz» respýblıkalyq qoǵamdyq birlestigi uıymdastyryp otyr.
Aıta keteıik, bıyl ıARKOkross sharasy Almatyda 7 maýsymda ótip, oǵan 10 myńnan astam adam qatysty. Sondaı-aq, osy jyly Almaty, Astana, Qaraǵandydan basqa Shymkentte de ótkiziledi.
Sharaǵa qatysý bıleti 2000 teńge turady. Túsken qarajat qalany jasyldandyrýǵa arnalǵan jobalarǵa jumsalady.
