Elordada Túrikmenstannyń mádenıet kúnderi ótip jatyr
ASTANA. KAZINFORM – Astanada Qazaqstan Respýblıkasyndaǵy Túrikmenstannyń Mádenıet kúnderi aıasynda gala-kontsert ótti.
Іs-sharaǵa Túrikmenstannyń halyq ártisteri, eńbek sińirgen qaıratkerleri, respýblıkalyq jáne halyqarlyq baıqaýlardyń jeńimpazdary qatysyp, estradalyq ánder men halyq kompozıtorlarynyń shyǵarmalaryn oryndady.
Sonymen qatar túrikmen halqynyń qoldanbaly óner jáne mýzeı qundylyqtary kórmesi uıymdastyryldy. Onda kórkem keskindeme, músindeme, grafıka, sán salalaryn qamtıtyn, ulttyq dúnıetanymǵa negizdelgen týyndylar qoıyldy.
«Erteń monospektakl qoıamyz. Bul shyǵarmanyń premerasy, tipti biz Ashhabadta ony áli kórermen nazaryna usynbadyq. Pesa áıgili aqyn Mahtýmkýlı Fraga týraly. Jaqynda belgili tulǵanyń 300 jyldyǵy toılandy. Baýyrlas elge ónerimizdi dáriptep, mádenıetimizge erekshe qurmet kórsetkeni úshin alǵys bildiremiz», - dedi Alp Arslan atyndaǵy ulttyq drama teatrynyń bas jetekshisi Handýrdı Berdıev.
Esterińizge salaıyq, Qazaqstan Respýblıkasyndaǵy Túrikmenstannyń Mádenıet kúnderi 27-maýsymǵa deıin jalǵasady. Eki eldiń mádenı baılanysyn nyǵaıtatyn shara aıasynda rejısser Hekim Alavovtyń «Qyzyl alma» kórkem fılminiń kórsetilimi, «Aqylgóı» monospektakliniń qoıylymy jáne Túrikmenstan ulttyq kıimderiniń kórsetilimi ótedi. 27 maýsymda eki eldiń ónerpazdary Gala-kontsertte óner kórsetip, mádenıet kúnderin aıaqtaıdy.
Asylbek TOIBEK
