Elordada túrkitildes memleketterdiń shyǵarmashylyq ujymdarynyń halyqaralyq festıvali ótedi
ASTANA. 25 aqpan. QazAqparat - Búgin elordadaǵy Beıbitshilik jáne kelisim saraıynda túrkitildes memleketterdiń shyǵarmashylyq ujymdarynyń qatysýymen halyqaralyq festıval ótedi.
Mádenı shara «Astana 2012 - túrki áleminiń mádenı astanasy» jylynyń aıasynda uıymdastyrady.
Uıymdastyrýshylardyń atap ótýinshe, bul is-sharalar mádenıet pen ónerdiń damýyn nyǵaıtyp, Qazaqstandy túrkitildes elderdiń arasyndaǵy mádenı yntymaqtastyq salasynda biriktirýshi orta retinde tanytýdy kózdeıdi.
Esterińizge sala keteıik, keshe atalǵan saraıda QR Mádenıet jáne aqparat mınıstri Darhan Myńbaı, TÚRKSOI-dyń bas hatshysy Dúısen Qaseıinov, Túrkııa Respýblıkasynyń Mádenıet jáne týrızm mınıstri Ertýgrýl Gúnaı syndy laýazymdy tulǵalardyń qatysýymen «Astana 2012 - túrki áleminiń mádenı astanasy» jylynyń resmı ashylýy ótti. Shara aıasynda mártebeli meımandar men elorda jurtshylyǵy Qazaqstannyń halyq ártisi Roza Rymbaeva, halyqaralyq konkýrstardyń laýreattary Qydyráli Bolmanov pen Qaraqat Ábildına, «Ulytaý» jáne «Kerýlen» toptarynyń, sonymen qatar Ázirbaıjan, Túrkııa, Qyrǵyzstan, Tatarstan, Bashqurtstan, Hakasııa jáne Gagaýzııalardyń tanymal folklorlyq ujymdary men jeke oryndaýshylarynyń ónerin tamashalady.
