Elordada túrkitildes elder fotosýretshileriniń kórmesi ashyldy
ASTANA. 4 qyrkúıek. QazAqparat - Búgin elordada keshqurym «Jańa myńjyldyqtyń jańa Astanasy» atty toǵyzynshy túrkitildes elder fotosýretshileriniń esep berý kórmesi ashyldy.
Aıta keteıik, Astana TMD jáne túrki áleminiń mádenı astanasy retinde jarııalandy. Osy oraıda «Astana-túrki mádenıetiniń astanasy 2012» jylyn ótkizý jónindegi sharalar jospary aıasynda QR Mádenıet jáne aqparat mınıstrliginiń Mádenıet komıteti bıylǵy 27 tamyz jáne 5 qyrkúıek aralyǵynda «Jańa myńjyldyqtyń jańa Astanasy» atty túrkitildes elder fotosýretshileriniń kezdesýin ótkizýde. Osynyń aıasynda búgin esep berý kórmesi uıymdastyryldy. Kórmede túrkitildes elderden qatysqan 20-dan astam fotosýretshiniń týyndylary qoıyldy.
«Osynda Astananyń zamanaýı qalpy pen damýyn jańǵyrtý, sonymen qatar qalanyń halyqaralyq isker jáne mádenı ortalyq retinde qalyptasý úrdisi fototýyndylar arqyly kórsetiledi»,-deıdi uıymdastyrýshylar.
