Elordada «Túrki álemi: tarıhı-mádenı mura» atty halyqaralyq konferentsııa ótedi

NUR-SULTAN. QazAqparat - 2021 jyldyń 8 qańtar kúni Halyqaralyq Túrki akademııasy Qazaqstan Respýblıkasynyń Ulttyq akademııalyq kitaphanasynda «Túrki álemi: tarıhı-mádenı mura» atty halyqaralyq onlaın-konferentsııa ótkizedi.

Bul týraly QazAqparat Túrki akademııasynyń baspasóz qyzmetine silteme jasap habarlaıdy.

«Birqatar baýyrlas elder táýelsizdiginiń 30 jyldyǵyna arnalǵan alqaly basqosýǵa Túrki keńesi, TúrkPA halyqarlyq uıymdarynyń basshylary, belgili qoǵam jáne memleket qaıratkerleri, tanymal túrkitanýshy ǵalymdar, túrki elderiniń Ulttyq ǵylym akademııalarynyń jetekshileri men dıplomatııalyq mıssııa basshylary qatysady dep kútilýde»,-delingen habarlamada.

Sondaı-aq onda Halyqaralyq Túrki akademııasy ázirlegen «Túrki álemi: tarıhı-mádenı mura» atty tarıhı-geografııalyq Atlastyń saltanatty tusaýkeser rásimi jasalady.