Elordada Túrki akademııasynyń uıymdastyrýymen halyqaralyq konferentsııa ótti
Alqaly jıynǵa Majarstan Parlamentiniń vıtse-spıkeri Shandor Lejak, TúrkPA Bas hatshysy Altynbek Mamaıýsýpov, Halyqaralyq Túrki akademııasynyń prezıdenti Darhan Qydyráli, Túrki Keńesiniń Majarstandaǵy ókili ıAnosh Hovarı, Majarstannyń Qazaqstan Respýblıkasyndaǵy Tótenshe jáne Ókiletti Elshisi Mıhaı Galoshfaı Qazaqstan Respýblıkasynyń Majarstandaǵy Tótenshe jáne Ókiletti Elshisi Jánibek Jarasqanuly, E.A. Bóketov atyndaǵy Karaǵandy ýnıversıtetiniń rektory Nurlan Dýlatbekov, sonymen qatar zııaly qaýym ókilderi men birqatar memleketterden ǵylymdar qatysty.
Budan keıin jıyn sektsııalyq otyrysqa jalǵasty. Sektsııalyq otyrysqa, Túrki Keńesiniń Majarstandaǵy ókildiginiń atqarýshy dırektory ıAnosh Hovarı, RF ǴA Ýfa ǵylymı ortalyǵy Tarıh, til, ádebıet zertteý ınstıtýty jetekshisi, f.ǵ.d,. professor Fırdaýs Hısamıtdınova, Majarstan Shyǵystaný ınstıtýtynyń dırektory, túrik fılologııasy bóliminiń meńgerýshisi Perı Benedık, «Majar-Turan» qorynyń tóraǵasy, antropolog Bıro Andrash, Qyrǵyzstannyń tanymal túrkology, fılologııa ǵylymdarynyn doktory, professor Qadyraly Qonqobaev, «Majar-Turan» qorynyń qyzmetkeri, tarıh ǵylymdarynyń kandıdaty Babaqumar Hınaıat, Majar ǵylym akademııasy, Etnografııa ınstıtýynyń ǵylymı qyzmetkeri, túrkolog Dáýit Shomfaı Qara qatysty.
Aıta ketý kerek, Akademııa Majarstan men Túrki álemi yqpaldastyǵyn arttyrý maqsatynda birqatar jobalar men is-sharalardy júzege asyrdy.
Atap aıtqanda, Nemet Dıýla, Derd Almashı, Qońyr Mandokı syndy Majar túrkologtarynyń mırasy men taǵylymyna qatysty ǵylymı jobalardy qolǵa alyp, birqatar eńbekterin jaryqqa shyǵardy.
Bıyl túrki áleminde majar túrkologııasynyń negizin qalaýshylardyń biri retinde sanaly ǵumyryn ǵylymǵa arnap, kóptegen irgeli zertteýler júrgizgen kórnekti tulǵa, belgili ǵalym, shoqtyǵy bıik shyǵystanýshy, túrkolog Dıýla Nemettiń 130 jyldyq mereıtoıy atalyp ótýde.
Akademııa Majarstan baǵytynda jaryq kórgen jańa kitaptardy tanystyrdy.
Túrki akademııasynyń uıymdastyrýymen ótken «Majarstan túrkologııasy» atty halyqaralyq onlaın-konferentsııa aıasynda jańa kitaptar tanystyryldy.
Atap aıtqanda, túrkologııa salasyna súbeli úles qosqan tanymal majar ǵalymy Qońyr Ishtvan Mandokıdiń «Úzilmes tamyrlar» atty monografııasy jáne onyń eńbekteriniń tolyq bıblıografııalyq kórsetkishi (Mandokı Qońyr Ishtvan: «Bıblıografııa») kópshilikke jol tartty.
Kórnekti ǵalymnyń alǵash ret qazaq tilinde jaryq kórip otyrǵan «Úzilmes tamyrlar» eńbeginde Majarstandaǵy ejelgi quman-qypshaqtardyń baıyrǵy tili, geografııalyq ataýlary jáne olarǵa tarıhı-mádenı jaqtan etene jaqyn turǵan Dýnaıdyń tómengi saǵasyndaǵy Dobrýja óńirindegi tatar-noǵaı qaýymynyń tili men aýyz ádebıetine qatysty zertteýleri qamtylǵan. Al bıblıografııalyq kórsetkishte atty kitapta ǵalymnyń sanaly ǵumyrynda jaryqqa shyǵarǵan eńbekteri týraly málimetter jınaqtalǵan.
«Halyqaralyq Túrki akademııasy jaryqqa shyǵarǵan eki eńbektiń aýdarma jáne jınaqtaý jumystaryna belgili túrkolog Qadyraly Qońqabaev, Q. Mandokıdyń jary Ońaısha Maqsymqyzy, etnograf Babaqumar Qınaıatuly men bıblıograf-maman Laýra Ábenova atsalysty»,-delingen habarlamada.
