Elordada týrızm jáne sport nysandarynyń sany artyp keledi
ASTANA. 8 aqpan. QazAqparat -Elordada týrızm jáne sport nysandary kóbeıýde. 2012 jyly týrızm jáne sport nysandarynyń jobalary jergilikti bıýdjet esebinen iske asyryldy.
Bul týraly Astana qalasynyń Qurylys basqarmasynan habarlady.
Atap aıtqanda, byltyrǵy jyly №41 jalpy bilim beretin mektepte sport alańy salynǵan. Sonymen qatar, «Qazaqstan» sport saraıyna japsarlas muz aıdynyn, Astana qalasynda tennıs keshenin, №32 jalpy bilim beretin mektepte hokkeı alańyn salýǵa qarjy bólinip, tolyqtaı ıgerilgen.
«Buǵan qosa, múmkindigi shekteýli jandarǵa arnalǵan «Qaısar» sport klýbynyń jáne tennıs keshenine japsarlas salynatyn ǵımarattyń qurylysyn jobalaý bastaldy», - delingen habarlamada.
