Elordada týrızm qaıtse damıdy: Kólginov ákimdik keńesin ótkizdi
NUR-SULTAN. QazAqparat - Nur-Sultan qalasynyń ákimi Altaı Kólginov týrızmdi damytý máselelerine arnalǵan keńes ótkizdi, dep habarlaıdy QazAqparat elorda saıtyna silteme jasap.
A. Kólginov osy saladaǵy jumysty jandandyrý, iri is-sharalar men festıvalder ótkizýdi josparlaý qajettigin atap ótti.
Prezıdent «Ulytaý - 2019» Halyqaralyq týrıstik forýmynda elimizge jylyna 9 mıllıon týrıst keletin memlekettik baǵdarlamany júzege asyrýdy tapsyrdy. Qasym-Jomart Kemeluly Toqaev Týrızm ýnıversıtetinde bilikti mamandardy daıyndaý qajettigin atap ótti. Biz qazir Týrızm ýnıversıtetin ashý máselesin qarastyrýdamyz. Sonda biz ishki naryqty kásibı kadrlarmen qamtamasyz ete alamyz«, - dedi ol.
Qala ákimi Nur-Sultan Eýrazııanyń astanasy retinde ornalasýy tıis ekenin aıtty. Bul rette, týrıster kóp bolǵan saıyn, is-sharalar kóp ótýi tıis. Týrızm maýsymdyq emes, jyl boıǵy bolýy kerek.
Jyl saıyn elordaǵa 1 mıllıon 300 myń adam keledi. Nur-Sultan qalasy –Kongrester men konferentsııalardyń halyqaralyq qaýymdastyǵynyń (ICCA) múshesi. Qaýymdastyq onyń múshelerine aqparat almasýǵa múmkindik beredi jáne iri is-sharalardy ótkizýge járdemdesýdi qamtamasyz etedi. Sondaı-aq elorda iskerlik (MICE) týrızmdi ótkizý úshin tabysty alań dep tanyldy.
Keńes barysynda atap ótilgendeı, elordada halyqaralyq avıareısterdiń sanyn arttyrý, iri halyqaralyq festıvalder men jarystar ótkizýdi josparlaý, qalany týrıster úshin tartymdy jáne jaıly etý qajet.
