Elordada turǵynynan 17 keli marıhýana jáne 9 keli gashısh tabyldy
ASTANA. 27 qyrkúıek. QazAqparat - Ótken aptada Astana qalasynyń ІІD Esirtki bıznesine qarsy kúres basqarmasynyń qyzmetkerleri 29 jastaǵy jergilikti turǵyndy ustady, jedel aqparat boıynsha ol jeke avtomashınasynda «marıhýana» esirtki zatyn tasymaldaǵan.
Bul týraly QR ІІM málimetterinde habarlanǵan.
Onyń avtokóliginiń júk salǵyshyn qaraý kezinde qyzmettik-izdestirý ıti esirtkiniń ıisin sezgen, alaıda esirtki tabylmady. Odan ári jedel is-sharalary barysynda onyń saıajaıda turatyn jeri boıynsha 2 sómke tabylyp, tárkilendi. Onda 17 keliden astam marıhýana jáne 9 keliden astam gashısh bolǵan.
Atalǵan fakt boıynsha qylmystyq is qozǵaldy. Ustalǵan adam ýaqytsha oqshaýlaý abaqtysyna qamaldy. Tergeý amaldary júrgizilýde.
