Elordada turǵyndardyń shotynan aqsha urlaǵan alaıaq ustaldy
NUR-SULTAN. QazAqparat - Elordanyń tórt turǵyny bank kartalarynan aqsha jymqyrylǵany týraly polıtsııaǵa aryzdanǵan, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.
Qazirgi kezde aqparattyq júıege zańsyz kirý jolymen urlyq jasaýdyń barlyq faktileri boıynsha QR QK 188-babyna sáıkes, sotqa deıingi tergep-tekserý júrgizilýde.
Jábirlenýshilerdiń aıtýynsha, 2020 jyly nesıe alý úshin bankterge barǵan. Alaıda, túrli sebeptermen bankter olarǵa nesıe berýden bas tartqan. Nesıeni alý maqsatynda azamattar ınternet-saıttar arqyly ózderiniń qarjylyq problemalaryn sheshýge tyrysqan, biraq alaıaqqa tap bolǵan. Atalǵan saıttarda olarǵa jeke derekterin, JSN, bank kartasyn, SVV-kodyn kórsete otyryp, anketa toltyrý usynylǵan.
Barlyq rekvızıtterdi toltyrǵannan keıin jábirlenýshiler kelisim úshin aqparattyń óńdelýin kútken. Biraq olar saıttyń jalǵan ekenin jáne nesıe berýge eshqandaı qatysy joq ekendiginen kúdiktenbegen. Azamattardyń barlyq derbes derekteri alaıaqtyń qolyna túskennen keıin olar ınternet arqyly bank kartalarynan aqsha jymqyrǵan.
Jedel-izdestirý is-sharalaryn júrgizý kezinde buryn osy sekildi qylmystary úshin jaýapqa tartylǵan qalanyń 24 jastaǵy turǵyny ustaldy.
Polıtsııa departamenti elorda turǵyndaryna bank kartalarynyń rekvızıtterin, SVV- kodyn, SMS-parolderdi bóten adamdarǵa bermeýdi usynady. Bank qyzmetkerleri eshqashan qońyraý shalyp, derbes derekterdi suramaıdy. Osy sekildi jaǵdaılarda tez arada bankke habarlasyp, kartany buǵattaý kerek. Sodan keıin polıtsııaǵa habarlaý qajet.
