Elordada turǵyndardyń kólikterin tartyp alyp júrgen qylmystyq top qolǵa tústi
ASTANA. QazAqparat - Elordalyq polıtsııa qyzmetkerleri jedel-izdestirý is-sharalary barysynda azamattardyń avtokólikterin ashyq túrde ıemdenip ketip júrgen qylmystyq top ókilderin quryqtady, dep habarlaıdy Astana qalalyq ishki ister departamentiniń baspasóz qyzmeti.
Bıylǵy jyldyń 4-shi naýryzynda Pýshkın kóshesiniń boıynda belgisiz adamdardyń kúsh qoldana otyryp, óziniń «Toyota Corolla» kóligin alyp ketkendigi jóninde J. atty azamat shaǵymdanǵan bolatyn.
Polıtsııa qyzmetkerleri tarapynan qolǵa alynǵan shuǵyl áreket etý sharalarynyń nátıjesinde jáne jedel-aldyn alý is-sharasy kezinde tártip saqshylary Ońtústik Qazaqstan jáne Shyǵys Qazaqstan oblystarynyń 30 jastaǵy 3 turǵynyn kúdikti retinde ustady jáne olardy qolǵa túsirgen jerden «Toyota Corolla» markaly avtokóligi taýyp, tárkilegendi.
Sonymen qatar, atalǵan toptyń aǵymdaǵy jyldyń aqpan aıynyń sońynda oryn alǵan osyǵan uqsas qylmysty jasaǵany anyqtalǵan. Іshki ister departamentine Astana qalasynyń turǵyny belgisiz tulǵalardyń Alpamys batyr kóshesiniń boıyndaǵy úıdiń janynda kúsh qoldaný arqyly «Toyota Camry» markaly avtokóligin alyp ketkendigine shaǵymdanǵan.
