Elordada turǵyndardyń kólik keptelisine shaǵymynan keıin jańa jol belgileri ornatyldy
ASTANA. QazAqparat - Elorda turǵyndary men qonaqtary áleýmettik jeli arqyly qalanyń sol jaǵalaýyndaǵy kólik keptelisine jıi shaǵymdana bastady.
Osyǵan oraı Astana qalalyq ІІD Ákimshilik polıtsııa basqarmasy jol qozǵalysyn uıymdastyrýǵa engizilgen ózgeristerdi habarlady.
«5 qyrkúıekten bastap Astananyń Orynbor jáne Dostyq kósheleri qıylysynda jol qozǵalysyn uıymdastyrýǵa ózgerister engizildi. Atap aıtqanda, Qonaev kóshesi jaqtan kele jatqanda Dostyq kóshesimen qıylysta, Orynbor kóshesi boıynda erte toqtatý ádisi uıymdastyryldy. Buǵan qosa, qıylystan keıin solǵa qaraı «+» qyzyl túsi qosymsha belgisi ornatyldy. Ony paıdalanýdaǵy maqsat Qonaev kóshesi jaqtan Orynbor kóshesinen Dostyq kóshesine solǵa burylý barysynda qozǵalys tártibi týraly júrgizýge aqparat berý», - delingen habarlamada.
Sonymen qatar Orynbor kóshesimen Almaty kóshesine qaraı kólikterdi ótkizý múmkinshiligin arttyrý maqsatynda Orynbor kóshesinen Qonaev kóshesine solǵa burylý alynyp tastaldy.
Jol qozǵalysyn uıymdastyrýdaǵy ózgerister týraly kólik júrgizýshilerine aqparat berý maqsatynda «Orynbor, Syǵanaq kósheleri» kólik aıryqtarynda aqparattyq-silteme belgi ornatyldy.
