Elordada turǵyn úılerdegi órt sóndirý quraldaryn urlaǵan kúdikti izdestirilýde
NUR-SULTAN. QazAqparat – Elordada kúdikti turǵyn úılerde ornalasqan órt sóndirý quraldaryn urlamaq bolǵan, dep habarlaıdy QazAqparat.
«17 qazanda «Crocus City» turǵyn úı kesheninde belgisiz er adam 23 órt sóndirý quralyn urlamaq bolǵan. Turǵyn úı kúzetshisi der kezinde shara qabyldap, qaskúnemdi ustaýǵa tyrysty. Degenmen qylmysker urlaǵan zatyn tastap, oqıǵa ornynan qashyp ketti», - delingen «BI Clients» kompanııasy taratqan aqparatta.
Kompanııanyń habarlaýynsha, atalǵan kúdikti araǵa kóp ýaqyt salmaı 22 qazan kúni «Light House» turǵyn úı kesheninde taǵy da órt sóndirý quralyn urlamaq bolǵan.
Óz kezeginde qalalyq Polıtsııa departamenti atalǵan oqıǵaǵa qatysty túsinikteme berdi.
«Atalǵan fakti boıynsha kúdikti anyqtaldy. Polıtsııa qyzmetkerleri sotaldy tergeý jumystaryn júrgizýde», - dep habarlaıdy departamenttiń baspasóz qyzmeti.
