Elordada turǵyn úılerdegi 12 lıft jańartyldy
ASTANA. QazAqparat - Elordada kótergishterdi jappaı aýystyrý jumystary jalǵasyp jatyr dep habarlaıdy Astana ákimdiginiń medıa ortalyǵy.
Jańa lıfter tómendegi meken-jaılar boıynsha ornalasqan turǵyn úılerde paıda boldy: Dúkenuly kóshesi 38 («Shańyraq» TK, 8 lıft), B. Momyshuly kóshesi 16 (4 lıft). Al myna meken-jaılar boıynsha ornalasqan kópqabatty úılerde lıfterdi ornatý jumystary júrgizilip jatyr: Saryarqa kóshesi 41 («Mahabbat 1» TK, «Mahabbat 2» TK, 10 lıft), Keńesary kóshesi 65 («Edem Palas» TK, 1 lıft). Jumystar qarasha aıynyń sońyna deıin aıaqtalady dep kútilýde. Bul 10, kóp degende 15 jyl buryn turǵyzylǵan úıler.
Merdigerlerdiń problemalaryn, kóptegen shaǵymdardy, turǵyndarǵa tóngen qaýipti, kótergishterdiń apattyq jaǵdaıyn eskere otyryp, Astana ákimdigi lıfterdi aýystyrý isine qoldaý kórsetti.
Sondaı-aq, elordada óńirlerdi damytý baǵdarlamasy boıynsha da lıfterdi aýystyrý jumystary jalǵasýda. Elordadaǵy barlyq turǵyn úı keshenderiniń turǵyndary óńirlerdi damytý baǵdarlamasy boıynsha kómekaqy ala alady.
Qujattardy «Órken qala» baǵdarlamasynyń operatory bolyp tabylatyn kompanııaǵa joldaý qajet. Budan keıin kelisim jasalyp, merdiger tańdalady. Úrdis tolyǵymen turǵyndardyń baqylaýynda júzege asady. Kómek qaryz 15 jylǵa alynsa, ortasha eseppen ár páter (aýdanyna baılanysty) 2 myń teńgeden tóleıdi.
Jyl sońyna deıin atalmysh baǵdarlama boıynsha Astanada 63 lıft aýystyrylatyn bolady.
