Elordada turǵyn úı qurylysynyń qarqyny báseńdeı me

ASTANA. QazAqparat – Aldaǵy úsh jylda elordada 2 mln sharshy metrden baspana salynady. Bul týraly Astana qalasy Kásipkerler palatasynyń dırektory Beısen Jolboldıev aıtty, dep habarlaıdy QazAqparat tilshisi.

«Astana qalasynyń ekonomıkasyn eskeretin bolsaq, basym bóligi servıstik qyzmet túrine jatady, ıaǵnı qyzmet kórsetý men saýda-sattyq salalary jaqsy damyǵan. Degenmen, qurylys salasyn ekonomıkanyń basty draıveri retinde qarastyrýǵa bolady. Óıtkeni bul salada qala boıynsha 100 myńǵa jýyq adam jumyspen qamtylǵan. ІJÓ-niń 8-9 paıyzyn qurylys salasy qurap otyr. Janama salalardy alatyn bolsaq, bul kórsetkish áldeqaıda joǵary. Osy oraıda jıhaz óndirisi, qurylys zattary, bazarlar, logıstıka kompanııalary qurylys salasynyń aınalasynda qyzmet etip otyr», - dedi B. Jolboldıev qurylys salasyn taqylaý úshin Senat depýtattarymen kezdesý kezinde.

Onyń aıtýynsha, sońǵy eki jylda elorda boıynsha jyl saıyn 3 mln sharshy metr kóleminde turǵyn úı paıdalanýǵa berilip jatyr. Bul turǵyda bıznes jáne basqa da ǵımarattardyń qurylysy esepke alynbaı otyr.

«Qala aýmaǵynda ınfraqurlym jelilerin tartyp úlgermeı jatyr. Sondyqtan aldaǵy jyldary 2 mln shary metrge deıin tómendetý boıynsha sheshim qabyldanyp otyr», - dedi Beısen Jolboldıev.

Qalalyq Kásipkerler palatasynyń málimetinshe, 3 jyl ishinde elordada 6,135 mln sharshy metr turǵyn úı salý josparlanǵan.

Budan buryn habarlanǵandaı, bıyl tamyz aıynda Astana ákimi Altaı Kólginov elordadaǵy turǵyn úı qurylysynyń qarqynyn báseńdetýdi usyndy.