Elordada turǵyn úı qurylysynyń qarqyny artyp keledi
ASTANA. QazAqparat - Astana q. Statıstıka departamentiniń resmı málimetterine sáıkes, elordada turǵyn úı qurylysynyń qarqyny artyp, qurylys nysandarynyń sany ulǵaıdy.
2016 jylǵy qańtar-qyrkúıekte turǵyn úı qurylysyna baǵyttalǵan ınvestıtsııalar kólemi 99 081,4 mln teńgeni qurady, bul 2015 jyldyń sáıkes kezeńindegi kórsetkishtiń 101,1% quraıdy. Negizgi kapıtalǵa salynǵan ınvestıtsııalardyń jalpy kóleminde turǵyn úı qurylysynda ıgerilgen qarajattar úlesi - 18,3%.
Barlyq qarjylandyrý kózderiniń esebinen 14 903 páterge arnalǵan turǵyn úıler paıdalanýǵa berildi, tapsyrylǵan turǵyn úılerdiń jalpy aýdany 1 644 497 sharshy metrdi qurady, bul 2015 jylǵy qańtar-qyrkúıektegi kórsetkishten 29%-ǵa kóp.
Jeke salýshylar jalpy aýdany 124 791 sharshy metr turǵyn úı salǵan. Bul 2015 jylǵy qańtar-qyrkúıektegi kórsetkishten 3,8 ese kóp. Turǵyn úılerdi paıdalanýǵa berýdiń jalpy kóleminde jeke turǵyn úı qurylysynyń úlesi 7,6%-dy qurady, 2015 jylǵy qańtar-qyrkúıekte 2,6% bolǵan.
Elordada 2016 jylǵy qańtar-qyrkúıekte turǵyn úılerdiń jalpy aýdanynyń 1 sharshy metrin salýdyń ortasha naqty shyǵyny 128,9 myń teńgeni, onyń ishinde jeke salýshylardyń turǵyzylǵany 105,2 myń teńgeni qurady.
Sondaı-aq, nysandardyń qurylysynda da ósim baıqalyp otyr.
Vedomstvonyń málimetinshe, 2016 jylǵy qańtar-qyrkúıekte Astana qalasynyń kásiporyndary men uıymdary 399 775,5 mln teńge somasyna qurylys jumystaryn oryndady. Oryndalǵan qurylys jumystary kóleminiń eń joǵary úlestik salmaǵy 54,6%-y jekemenshik merdigerlik uıymdarǵa, 45,3%-y sheteldik merdigerlik uıymdarǵa tıesili, memlekettik merdigerler jalpy kólemniń 0,1%-yn oryndady.
