Elordada turǵyn úıge japsarlas salynǵan kafede gaz ballony jaryldy

ASTANA. KAZINFORM - Elordada turǵyn úıge japsarlas salynǵan kafede gaz ballony jaryldy, dep habarlaıdy QR TJM baspasóz qyzmeti. 

"Astanannyń Almaty aýdanyndaǵy Aqyrtas kóshesiniń boıynda 2 qabatty turǵyn úıge japsarlas salynǵan kafede gaz ballony jarylyp, nysan qırap qaldy jáne oqıǵa ornynda órt boldy.

Qıraǵan aýmaq shamamen 60 sharshy metr, órt alańy 15 sharshy metr bolady. Órt sóndirildi. 6 adam jedel járdem qyzmetkerlerine tapsyryldy. TJM kúshteri qaýipsiz jerge kólemi 50 lıtr bolatyn 4 turmystyq gaz ballonyn shyǵardy. Oqıǵa ornynda TJM qyzmetkerleri úıindilerdi buzý jumystaryn júrgizýde" delingen habarlamada.

Aıta keteıik, buǵan deıin astanalyqtar tegin dóner úshin taptalyp qala jazdaǵanyn jazǵan edik.