Elordada turǵyn úıge kezekke qoıý boıynsha 200 jetim balanyń quqyqtary qorǵaldy

ASTANA. KAZINFORM – Elorda prokýratýrasy jetim balalardyń turǵyn úı quqyqtarynyń buzylǵanyn anyqtady. 

Ýákiletti organ «Turǵyn úı qatynastary týraly» Zańnyń 71-babyn buza otyryp, 14 jasqa tolmaǵan tulǵalarda tirkeýdiń bolmaýyna, sondaı-aq otbasy músheleri sanalmaıtyn qamqorshylarǵa tirkelgen múliktiń bolýyna baılanysty jetim balalardy kezekke qoıýdan negizsiz bas tartqan. 

– Prokýrorlyq qadaǵalaý sharalarymen 200-den astam jetim bala turǵyn úı alýǵa kezekke qoıyldy, - dep málimdedi Astana qalasynyń prokýratýrasy. 

Eske salsaq, buǵan deıin Astana qalasynyń prokýratýrasy memleketke 55 jer telimin qaıtarǵanyn jazǵan edik. Sondaı-aq Almaty prokýratýrasy kásiporynnyń jumysyna zańsyz aralasqan basqarma basshysyn jazalady.