Elordada turǵyn úı qaptamasynyń opyrylýy oqıǵasyn tergeý aıaqtalǵan joq — ІІM
ASTANA. KAZINFORM — Іshki ister mınıstriniń orynbasary Sanjar Ádilov elordada turǵyn úı kesheniniń qasbetindegi kirpish qaptamasynyń qulaýy oqıǵasy boıynsha tergeý barysyn aıtty.
— Qylmystyq isti tergeý aıasynda Astana qalasy Polıtsııa departamentiniń toby jumys istep jatyr. Bul turǵyda keshendi sot-medıtsınalyq jáne qurylys saraptamasy júzege asyrylady. Sonymen qatar, qurylys kezinde paıdalanylǵan qujattar tekserilip jatyr, — dedi Sanjar Ádilov Parlament Májilisinde tilshiler suraǵyna jaýap bere otyryp.
Eske sala keteıik, buǵan deıin Astananyń Almaty aýdanynda, Táýelsizdik dańǵyly, 24B mekenjaıynda toǵyz qabatty turǵyn úıdiń qasbetinen kirpishten jasalǵan syrtqy qaptama men kondıtsıoner qondyrǵysy qulap, bes adam zardap shekkenin jazǵan bolatynbyz.
Keıin ǵımarat opyrylǵanda zardap shekken feldsher kóz jumdy.
Bul jaǵdaı Qylmystyq kodekstiń 306-baby (qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetter kórsetý) boıynsha tergelip jatyr.