Elordada turǵyn úı qaptamasynyń opyrylýy: kúdiktiler qashan anyqtalatyny aıtyldy
ASTANA. KAZINFORM — Іshki ister mınıstriniń orynbasary Sanjar Ádilov elordadaǵy turǵyn úıde kirpish qaptamasynyń qulaýy boıynsha istiń tergelýiniń mán-jaıyn aıtty.
Osy oraıda ol bul jaǵdaı Qylmystyq kodekstiń eki baby boıynsha tergelip jatqanyn aıtty.
— Jaqynda ǵana tıisti ýákiletti memlekettik organdarmen kezdesý ótkizdik. Aıdyń sońyna deıin Astana qalasy sot saraptamasy ortalyǵy tekserip jatqan keshendi qurylys saraptamasynyń qorytyndysyn alamyz, — dedi Sanjar Ádilov Parlament Májilisinde tilshiler suraǵyna jaýap bere otyryp.
Bul turǵyda ol saraptama qorytyndysynan keıin kimniń kúdikti retinde tanylatyny anyqtalatynyn atap ótti.
Esterińizge sala ketsek, 8 qarashada elordada turǵyn úı kesheniniń qasbetindegi kirpish qaptamasy men kondıtsıoner qondyrǵysynyń bóligi qulap, saldarynan 5 adam zardap shekti. Zardap shekkenderdiń bári № 1 kópsalaly aýrýhanaǵa jetkizildi.
18 qarasha kúni jaraqat alǵan feldsher Uldana Myrzýan kóz jumdy.