Elordada Turan dańǵylynyń ýchaskesi ýaqytsha jabylady
ASTANA. KAZINFORM - Turan dańǵylynyń Orynbor men Baǵlanova kósheleriniń aralyǵyndaǵy bóliginde ınjenerlik jelilerdi tóseý jumysy júrgiziledi. Osyǵan baılanysty 21 aqpan men 9 naýryz aralyǵynda kólik qozǵalysy eki baǵytta da shekteledi, dep habarlaıdy Astana ákimdiginiń resmı saıty.
Іrgeles ýchaskelerde tıisti jol belgileri ornatylyp, baǵdarshamdardyń jumys rejımderine túzetýler engizildi. Qosymsha aqparattyq belgiler ornatyldy.
Balamaly baǵyttar Aıtmatov kóshesi men Qabanbaı batyr dańǵyly bolyp sanalady.
Atalǵan ýaqytta keptelisterdi azaıtý úshin Qabanbaı batyr dańǵylyndaǵy avtobýs jolaqtarymen júrýge ýaqytsha ruqsat etiledi. Olar boıynsha qozǵalys buzylystaryn tirkeý óshiriledi. № 26, 27, 40 qalalyq avtobýstardyń baǵyty ózgertildi.
Jol qaýipsizdigi maqsatynda polıtsııa departamenti júrgizýshilerge óte muqııat bolyp, marshrýtty aldyn ala josparlaý qajet ekenin eskertedi.
